النهاردة عايزة اتكلم معاكو في موضوع مهم ....... فكرو معاياكده ....كام واحد وهو بيسعي علشان يحقق حلمو واجهتو مصاعب كتيره وفجأه اتخلي عن حلمو وبقي شايفو مستحيل .....طبعا كتيير وعلشان كده احب ابدأموضوعنا بالقصة دي
"سنة1938سويكيرو هوندا كان لسه طالب في المدرسة و استثمر كل اللي بيملكو علشان يبني ورشة صغيرة و بدأ فيها يطور مفهوم حلقة الصمام والليي كانت بتستخدم للعربيات و كان عايز يبيع انتاجو ليها لشركة تيوتا واعد يجاهد ليل نهار و كان بينام في الورشة لا وكمان رهن مجوهرات زوجته في سبيل تحقيق حلمو ولما خلص حلقة الصمام و راح علشان يبيعها لشركة تيوتا قالولو ان هي لا تتوافق مع مقاييس تويوتا وبعد كده رجهع مدرستو لمدة سنتين استحمل فيهن اهانات المدرسين واصحبو ليه وهم بيتكلمو عن سخافة تصميماته بس هو مفقدش الامل تابع التركيز علي هدفه بدل ما يركز علي اهانة الناس واشتغل علي نفسو وبعد سنتين وقعت شركة تويوتا معاه العقد اللي طول عمرو بيحلم بيه بس بعدكده طلعلتومشكلة جديدة هوندا كان طلب من الحكومةاسمنت علشان يبني معمله بس الحكومة رفضت علشان كانت بتستعد للحرب بس هوندا بردو ما استسلمش ولا بص للظلم اللي اتعرض ليه لا اخترع هو وفريقة عملية لانتاج الاسمنت و فعلا نجحووبنو المعمل .....بس كمان المعمل ده ادمر مرتيين بسبب القصف في الحرب واللي بدوره ادي الي تدمير اجزاء رئيسية مهمة في المعمل وبردو بطلنا هوندا ما استسلمش و راحجند فريقه و بقو يجمعو علب البنزين الفاضية اللي كانت المقاتلات الامريكية بتتخلص منها وعلب البنزين دي وقرت المواد الاولية اللي بيحتاجها علشان العمليات الصناعية اللي كان ناوي يعملها و المواد دي مكنتش متوفرة في اليابان وبعد كل التعب ده جه زلزال دمر المعمل تاني (هههههههههههههههه) وبعد كده بقي قرر يبيع عملية صنع الصمامات لشركة تيوتا..........=بعد الحرب عانت اليابات من ندرة البنزين لدرجة ان هوندا مكنش عارف ياخد العربية علشان ينزل يجيب الاكل و فكر انو يركب محرك صغير للبسكلت بتاعتو ...والجيران وكل اللي حواليه لما شافوه طلبو منو يعملهم بيسكلتات زي بتاعتو وفعلا عملهم لحدما المحركات اللي عندو خلصت وكمان مكنش عندو راس مال....كمان المره دي صمم انو يلاقي حل وقرر انو يقنع اصحاب محلات العجل انهم يساعدوه علشان يكمل مشروعو وكان عددهم18000واستطاع اقناع 5000 بس الدراجة النارية ما كنتش بتتباع الا لهواة ركوب البيسكليت علشان ضخامتها....بس هوندا عمل تعديل عليها و خلاها اخف و اصغرو سماها الليث الممتاز و في وقت قياسي حققت الدراجة النارية دي نجاح باهرلدرجة انو فاز بجايزة امبراطورية اليابان وبعد كده بدا يصدر دراجاته النارية الي امريكا و الولايات المتحدة وبعد كده بدا بصنع سياراته في السبعينات من القرن العشرين"
سويكيرو هوندا اخد قرار بانو ينجح و كان عندو قناعة قوية باللي هو بيعملو و فضل يجاهد في سبيل تحقيق حلمو رغم كل الصعوبات اللي واجهتو وانو موصلش للنتايج اللي هو كان عايزها بس هو قرر الاصرار علي موقفه بانو ينجح وه حصل بالفعل
خلينا ناخد هوندا مثال اعلي لينا وناخد منو الاصرار علي تحقيق اهدافنا مهما واجهتنا متاعب وصعوبات
....اللي عايز حاجة و دخلها جوه عقلو فهو قادر انو يحققها ولو الدنيا وقفت ادامو بس لازم تؤمن بقدراتك وبنفسك وكمان لازم تؤمن بحلمك و متتخلاش عنو مهما صل
اوعي تفتكر انكممكن تنجح من غير ما تحارب لا ده اننت لازم تلدا من الصفر وتتعب ويطلع عينك كمان بس لما هتوصل لهدفك هتنسي كل التعب و هتحس انكىملكت الدنيا بين ايديك
حاجة اخيرة مهمة كلام الناس ....كلام الناس ....كلام الناس اوعي تديلو اي اهمية االناس هترجعك لورا وتخليك تفقد ثقتك بنفسم ومحدش هيبقي عايزك تبقي احسن منو اعتمد علي نفسك وبس واعمل اللي في مصلحتك واواعي تخلي حد يكسر ثقتك لنفسك و متحطش سقف لطموحك وتوكل علي الله
•وبكده اكون وصلت لنهاية موضوعي يا رب يكون عجبكو
لو عندكو اي اراء او افكار او موضوعات عايزين نتكلم فيها ونشارك بعض في الاراي اكتبو في الكومنتات
ونتقابل في المقال الجاي باذن الله
انصحكو بقراءة
مقال تحفيزي لكل بنت (انتي قوية)
تعليقات
إرسال تعليق